Giriş yap все шаблоны для dle на сайте newtemplates.ru скачать
 
  • 00:28 – HOPA'DA FABRİKA KURULDU "halk üretiyor, halk işliyor, halk kazanıyor’." 
  • 17:07 – YÖREMİZE ÖZGÜ (Lazca) ARMUT FİDANI ÇEŞİTLERİ DİKİLDİ 
  • 19:23 – BATUM'DA POLİS İLE ÇATIŞTILAR 33 YARALI VAR 
  • 19:14 – 2017 AYDER FESTİVALİ NE ZAMAN YAPILACAK? İŞTE DETAYLAR 
  • 13:23 – LAZCA ÇANAKKALE TÜRKÜSÜ 
  • koltuk yikama


NUXONDİ GEZİ PARK’İ ÇKU Tİ MOBULURT!

NUXONDİ GEZİ PARK’İ ÇKU Tİ MOBULURT!

 

NUXONDİ GEZİ PARK’İ ÇKU Tİ MOBULURT!

 

 Polisişi mudaxale var
ivuşi k’abğa do ok’ontxalupe ti var ivu. Handğa Gezi Park’işi k’uçxe mebaz’gu
17. ndğas kamaxtu.  Hokumetik nak’o ndğa
ren geyi adimi var eç’opinu şeni t’rik’i nobaz’gams. Ç’eşit’i ç’axrobate do entrik’apete
ti na var geçes gza var doskidu. Ala Gezi Park’is vargolilen. Heşo artobate
nobazgaman ki, ham mebazgu ne hokumeti te, ne t’op’i do t’ufeğite, ne ti
3’k’ari oçxiyalu do p’ep’eri opurinute var geykten. Gezi Park’i, park’i
doskidasen. Nuxondi Gezi Pak’i çku ti mobulurt. Nobazgit!

İpti a-jur-sum nca
mok’vatute na gyoç’k’u Gezi Park’işi k’rizik Turketi mtelli kodikaçu. Dulyaşi
mtinoba helbet ki a-jur-sum nca vart’u. Dulyaşi asli Gezi Park’i eyzdasen do
hem meydanis 3’oxlenuri ar coxote na-işinen T’opçi K’işla coxote AVM (Shop
center) ya do na itkvinen ar didi noğa ixenasen. Ham ambari haşşo ignuşi
ekolojisturi aktivistepek protesto şeni ç’eşit’i organizasyonepe vers do ipti
Gezi Park’is ok’inçers do hokumetişi ham k’arari protesto vers. Mp’olişi gomte
svalepeşen ti mxuci na-meçespe k’ala Taksimis şilya do şilya k’oçepe oypşers.
M3ika oraşi Turketis k’at’a velayetis do k’at’a svas, ekolojik’uri gagna nauğun
irik xolo k’oçinobaşi anank’enite ayni protestopes geç’k’ute Gezi Park’is mxuci
meçers. İptineri ndğalepes polisik dido sert’obate mudaxele vu. Polisik TOMA do
ç’eşit’i zirxoni makinapete 3’k’ari meçxiyalu do p’ep’erişi k’azi mepurinute do
umezumu mencoloba oxmarute gebaz’gu 3adu.  Ala milletik Gezi Park’i heşşo isaybu do
polisis heşşo go3’udgitu ki, haşşo muk’avemeti do k’uçxe mebaz’gute na-ok’igu
polisik mecburi geri adimi eç’opu. Ala yazoğolsun bolaki na-gamaxtu artikaturi
ok’ontxalupes do ok’ok’edinupes ar polisi do sum ti vatandaşi doğuru. Otxo
şurik ham k’abğas skidala gondinu. Hemtepeşi coxo çkva ham k’abğaşi destani
ren. Hemtepes raxmet’i mebuncğonamt. Cenneti nesibi avan

 

Yazarın notu:
Değerli dostlar Lazca anlamayanlar kusura bakmasınlar, gönül koymasınlar. Ülke olarak
önemli sınavlar verip demokratik süreçten geçtiğimiz bu günlerde verilen ortak
mücadeleyi elbette ki destekliyor ve sonuna kadar da savunuyoruz. Ne var ki
ortak sorunlarımızın dışında biz Lazlar dilimiz ve kültürümüzle ilgili
sorunlarımızı da dile getirmek zorundayız. Lazca, konuşma dili olarak çok güçlü
ve yaygın olsa da yazı dili henüz gelişmemiş, hatta yazı dili oluşmamış bir
dildir. Bu yöndeki çabalarımızın günlük hayata da yansımasını istedik.
Saygıyla.
 

Kâmil Aksoylu




Yorum Yaz
Sosyal Ağlarımız
  • Facebook
  • Twitter